طب فين وليه وازاى
معقولة !!
مين اللى شخبط كده
فوق خدك التفاح
مين شال الندى
من وردك الفواح
مين اللى غصبك
لاحتكام الموت
حطك فى زنزانة
جراح وارتاح
انت!!!
ده مافيش جرئ وسط الكلام
يستجرى كان يوم يوصفك
ده انت الوحيدة اللى الدلع
بيليق عليكى وينصفك
عودى لعصر البغددة
واصحى لمقامك فى البديع
الماضى مش ممكن يضيع
ولا يرضى غيرك مطرحك
ما تعيطيش
حبة عيال مصوكى برضة
وما شبعوا
وان لاقوا طين من غير حنان
هيروحوا بعدك يرضعوا
عملوا اللى جاب الرسل
بالأمر م السموات
ماطمرش فيهم وطن
ولا سمعوا قول اخشعوا
ده احنا اهتدينا هدى
وتبنا على حسهم
وهم خانوا الرسل
وشربوا من دمهم
وانا من يغطى كسفتى فيكى
عشمت بيكى العيال
وقلت انت امهم
يا ولادى …..
انا عمرى يوم ما كدبت
الا فى اللحظة دى
سامحونى
لسه الذنوب طول ما السنين جايه
هكدب واصلى وأصوم لطول الدهر
والعمر كله زكاة والحج ده غية
هفضل أستر أرضها بالعمر
ووصيتى من بعدى هى الكدب
يمكن فى يوم تصدقوا
لو رجعت فى يوم ..هى
