بعشقك يا مصر .. بقلم الشاعر / أحمد بيومي

بعشقك يا مصر .. بقلم الشاعر / أحمد بيومي
عارفه يا مصر يا أم النيل ..
رغم إنك بنت سبع الآف سنه ..
بس بردوا أنا ..
شايفك طفلة..
مهما كبرتي شايفك طفلة صغيرة ..
وأنا زيك طفل. .
وإللي جمعنا حب برئ ..
بس موش حب عيال ..
شايفك بنوتة صغنتوتة ..
بس جمالها مشفتش في الدنيا زيه جمال ..
فوقتي الكل ..
وطعامتك فاقت الوصف..وأي خيال ..
اايوه بجد مشفتش ليك في العالم أي مثال ..
عارفه يا حلوة ..
وأنا بتكلم وياك بحس بأيه ..
بحس بفرحة وقلبي بيكبر ..
وهموم الدنيا ف عيوني بتصغر ..
وأفضل فيك أبص وأبحلق ..
وأوعي أسمعك تقولي ..
أسكت بقى وبطل لعب عيال ..
وبطلي تعملي كده تاني ف قلبي ..
أحسن يقف ويزرجن ..
ويحلف وبقول والله ما أنا شغال ..
أنا مستنظر منك دلوقتي ضحكة وكلمة حب ..
مع بوسة وحضن أمان فيهم شوق ودلال ..
آه لو تعرفي إني معاك بحس بايه ..
بحس إني أغني الناس ..
رغم إني مفلس بصحيح ..
و مفيش ف جيوبي غير ربع ريال ..
أنت يا مصر أجمل مهره ..
وأنا وحياتك أجدع خيال ..
فإياك تخافي طول ما أنا جنبك حارسك ..
انا سلاحي في إيد ..
واليد التانيه على الأرغول والناي ..
بتغزف للدنيا أجمل موال ..
تغريدة عشق مصرية .. بقلم الشاعر / أحمد بيومي