ترنيمة روح…للشاعرة / أمل صيدم

–
بحب النهار اللي بيك يبتدي
بحبك
ياأمسي
ويومي
وغدي
بحب الشقاوه اللي ساكنه حروفك
وأحب الخطوط اللي ماليه كفوفك
واحب ارتعاشة اديك في السلام
وأحب سكوتك ف وسط الكلام
وكلمة حبيبتي تقلها بهمسك
فتزرع في قلبي نشيد السلام
=================
بحبك حمامه وفارده الجناح
وعاشقه التحرر ف وسط البراح
بحب انتماءك لكوني الفسيح
بحبك صريح
ومؤمن صحيح
كما المصطفى
كعيسى المسيح
وقلبك كفارس
مايهمه ريح
===============
ما قلتش تكون لي بكوم معجزات
وقابله طعامي يكون الفتات
وعايزاك حنون
تحب بجنون
مانيش عايزه مال
أنا عايزه عزمك يهد الجبال
==================
بحبك تكسر مابينا السدود
تحارب عدوي اللي مد الحدود
ترجع لبلدي آثار الجدود
وتكتب لمجدك تاريخ الخلود
=================
بحبك لأنك مصري أصيل
ودمك بيجري في تكوينه نيل
بحبك تثور
تعدي بحور
تنور لي جهلي فتخلق لي نور
وترسم حياتنا مابين السطور
بحبك صبور
وأحبك جسور
وعقلك بيوزن جميع الأمور
============
أمل صيدم