ط
مسابقة الشعر

خاص بمسابقة الشعر العامى (ذكريات) بقلم /عبير ابر اهيم محمد العوضى من مصر

خاص بالمسابقة ” الشعر العامى “

” ذكــــــــــريـــــــــات “

جوا قلبى بحر هايج
ألف موجة ذكريات
ويا رملة ناعمة تقتل
مرة حنين ونوبه آهات
شق صدرى رعد كامن
ويا برق يحكى اللى فات

ذكــــــــــريـــــــــات

لما بنسى فجأة تظهر
صدفة حايرة تعيد اللى مات
تحكى عنه وعن حياتنا
يوم ما كانت فى التبات
فرحة راحت يوم راحوا
او مشاعر لما قادت
انطفت منها الحياة

ذكــــــــــريـــــــــات

ويا موجة بعيدة جاية
سمعتنى صوت مميز
كان بيعزف جوا ودنى
يقول كلام يحيي الموات
يحكى ألف تاريخ معاند
جوا منى ملحمات

ذكــــــــــريـــــــــات

كان ينور كل ضلمة
بحرف أو حرفين معاه
فاكرة ريحته ف قلب وردة
بين ايديا واستخبت ف الكتاب
يووم ما دق قلبى مرة
عارفة سرى ومحتواه

ذكــــــــــريـــــــــات

اما بشبع حزن بابكى
جوا صورة ف حضنى واحكى
عن قلوب كانوا حبايبى
راحوا فجاة مع اللى كان

ذكــــــــــريـــــــــات

فاكرة عنهم كل حاجة
حتى نومهم كان زيادة
والسعادة ف قلب صوتهم
لما يحكوا عن الآمال

ذكــــــــــريـــــــــات

فاكرة لما فرحنا مرة
وخدنا صورة ويا رملة
وكنا ويا البحر نضحك
مش شايلين هم ولا عتاب

ذكــــــــــريـــــــــات

يوم صحيت ملقتش ريحهم
او كلامهم او زعيقهم
حتى الدفا جوا صوتهم
انمحى و بقى آه ” زمان “

ذكــــــــــريـــــــــات

كنت خايفة وكنت هايبة
اى ذكرى تعيدنى فجأة
وأفضل احكى فى سرى
ساكتة..
أو بدمعة تيجى
مرة..
من عيون الذكريات

ذكــــــــــريـــــــــات

♫ღعبير إبراهيم محمدالعوضى ϡ♫

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى