ط
مسابقة الشعر

خاص بمسابقة العامية قصيدة فنان وشاعر للشاعرة / شوقية كامل مصر

خاص بالمسابقة

فنان وشاعر
……………
ريشه وورقة وقلم
وساعات تعدى 
من غير التفات
متبعتره كل الصور
وسط كومة زكريات
صندوق وشايل 
لحظات كتيره مؤلمه
ولحظات كتيره مفرحه
فنان بيرسم ضحكته
ف قلب شاعرنا الحزين
قاسمين ما بينهم
وجع السنين
اتنين بيتسابقوا سوا
عايشين سوا فى صمت ليل
وشوارع الاسفلت حضناها الجبال
والرمال عايمه على وش القمر
شرق نيل
مستنيين لحظة حضور الذاكرة
اغصان حروف متشعلقه فى حبال قلق
تتولد لغات فرح فوق السطور
ترقص على لوحه بتعزف
احلى قصايد شعر 
مرسوم ع الورق
تكسر الصمت اللى بينهم
لحظة حضور الامسيات
………..
شوقيه كامل 
المنيا

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى