ط
الشعر والأدب

دنيتى…للشاعر / أسامة فرج

906272_10203987181507954_8457854828496650293_o
دنيتى فى قربك

ليها طعم تانى
الضحكة ماليها
بالحب والأغانى
والشوق مع السعادة
أحلى وأغلى الأمانى
والحب علينا يرفرف
بجناحه … يضمنا
مع لهفتى وحنانى
كل حاجة بشوفها
فى عيونى حلوة
بشوف الدنيا غنوة
بسمة وضحكة حلوة
وعش .. يضمنا
ببقى نفسى وقتها
الزمان … يتوقف
عند لحظة حبنا
ببقى نفسى وقتها
أطير فى .. السما
وأمسك … النجوم
ألعب .. ويا القمر
أسافو وسط الغيوم
أكون قطرة مطر
تروى ليل العطش
تمسح دموع الهم
خايف من دى لحظة
تسيبينى .. وترحلى
وأرجع وحدى تانى
أكلم .. الجدران
عن الشوق والحنين
والذكريات واللى كان
أحساس صعب أكيد
بعد ماتعرف معنى السعادة
ترجع تبتدى من جديد
مع الشوق والضنا
وتعد الأيام بالثوانى
على حلم بالأمل
تتعلق بالرجاء
أنه فى يوم يجمعنا
أمل .. اللقاء
ومايبقاش ليك ساعتها
غير أنك تلجأ للدعاء
أن ماحد يهون غربتك
غير رب .. السماء
علشان دنيتى فى
قربك تختلف ..
دنيتى فى قربك
ليها طعم تانى
بقلمى / أسامة فرج

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى