ط
الشعر والأدب

رحال و سابقة خطوته ..للشاعر محمود رضا

محمود رضا
رحال و سابقة خطوته

اوجاع فـ روحة بتتولد
درويش بعيد عن حضرته
بيهذب الروح بالــ مدد
جلبابه ابيض كـ الحليب
و قلبه توب مغزول آهات
كل اما آهه فــ يوم تطيب
يرجع يعيد كل اللي فات
مسجون فــ حضرة ذكريات
مقتول بــ آهة جرح فات
و الليل صديق السهرانين ،، السكرانين ،،
العشمانين ،، اللي فايتين الحنين
و اليل بعت لصاحبنا حبة اسئله
و الاسئله أجابتها فعﻻ معضلة
السين سؤال ،، !!
و الجيم فُتات .
ايتام حكاوي لحد مات
السين سؤال ،، !!
و الجيم سكوت .
و ده روحه مسجونه فــ تابوت
درويش و شايل حكمتة يبدرها على كل العباد
درويش و سابح فــ المدى يطوي الحنين ساعة البعاد
مدد ،، مدد ،، مدد ،،، مدد
درويش و مش ﻻقي السند
جلباب حرير و بخور و طيب
و ده جرحه مش راضي يغيب
الدقن بيضة / و الغربة عتمة من السواد
عمال يعفر دقنة بتراب اللي فات
و الغربة توهة / و انين بملا الليل سهاد
و الصدق مات / تابوت بيدفن أمنيات
رحال و سابقة خطوته
اوجاع فـ روحة بتتولد
درويش بعيد عن حضرته
بيهذب الروح بالــ مدد

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى