ط
مسابقات همسهمسابقة الشعر

صباح المسك والعنبر..مسابقة الشعر العامى للشاعر / حسن عبد الهادى الجيار من مصر

 خاص بالمسابقة شعر عامى قصيدة بعنوان صباح المسك والعنبر /صباح المسك والعنبر 
صباح الشاى مع السكر
صباح شمس فى طريق اخضر 
صباح مصر بدون خونة
صباح ابيض بلون علمك
ولون احمر شهيد حبك
ولون اسود لمين ظلمك
يا محفوظه بعين ربك
ومذكورة فى قرانه
يا ضى العين ومين قدك
دا مهما تشوفى من ظالمين 
هيجى اليوم واشوف عدلك
يا طاقة نور فى تكوينى
يا نيل سارى فى شراينى
يا بنية حمام فى الريف
يا بنوته بدم خفيف
وراكية نار تدفينى
فى برد الليل
ياغنوة جمال حمدان
وسابقة الكون وكل زمان
واغنية فى صوت شرقى
والحانها فى كل مكان
يا لحن جميل بصوت ثومة
زقاق حارة لعم نجيب
وصوت العيلة واللمة
وصوت مدفع بيجمعنا 
فانوس رمضان
وصوت رفعت بيغسلنا من الادران
يا سابقة الحرف والمعنى
اكلنا فيك وشبعنا
فمد اديك لو ضعنا
ومدينا بنور فجرك
يبان عدلك
يكون سيفك على السجان (تمت) / الاسم كاملا حسن عبد الهادى عبد الحميد الجيار الشهرة حسن الجيار

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى