للمشاركة بالمسابقة
(فئة شِعر العامية)
الإسم / محمد عسل
العنوان /.مصر/محافظة البحيرة
عنوان القصيدة (فٙرض عين )
يكْفيكِ شٙر الغيرانين
والمُجرمين
والحاقدين .. والحاسدين
ويارب ما يموت الولد
وسْط الجنود
لو عـَ الحدود ، أو فـِ الكمين
ويارب طينك يبقىّ للأجيال دهب..
قلبي ذٙهب لبلاد كتير
مالقيتش حُضن يضُمني
مالقيتش أرض تحبني
مالقيتش غيرِك نِني عين
ويارب يبقىّ العدل فيكِ زي بيت
ومافيش فروق بين السٙفير والبوستاجي
ولا فيه فروق بين الوزير والقهوّجي
البيت يكون..
فيه طوبٙه بإيدين الرئيس..
بجوارها طوبةْ مكوّجي
ونحب بعض ونتفق وقت الخلاف
ننسىّ العِراك ننسىّ الملام
ويكون مابينّا كمان سلام
أنا قلبي جاب غُصن الزٙتون
وعليك تجيب فرد الحمام
ويارب ياللي النيل بتاعِك دمنا
مانكون عَطاشىّ أو حيارىّ مظلومين
ولا تيجي جارَه برُخص مالها تذلّنا
ولا يوم يقول لينا الخسيس،تبقوا انتوا مين؟
وحياة عيونك إحنا ليكِ كُلنا
ياللي انتي حُبك شئ أساسي وفرض عين.
محمد عسل ..هاتف .. 01010431461
