قصيدة فى شعر العامية للشاعر منصوراحمد محمد عبد المقصود
مصر
رقم الهاتف 01204039186
وبيعايرونى على حبك
——————–
وبيعايرونى على حبك
ومش عارف ارد بأيه
يا اسرانى
ومالكه كل وجدانى
بحبك ايوه وبعانى
بحبك طب وهنكر ليه
ما حبك شئ بيسعدنى
وقلبك والله تاعبنى
وبيودينى ويجيبنى
وحالف عمره ما يسيبنى
كتبت الشعر فى بحورك
وبحرك والله غلبنى
قالولى شهدها المالح
بتعشق ولدها الطالح
وتقتل ابنها الصالح
ومالنا فى عزها مطارح
وفارشة الورد للكداب
على كدبه
وعامله لزعله الف حساب
ورافضة منا اى عتاب
ولو نحلف تقول كداب
مسيرك بكرة تتعافى
وحسدك منه تتصافى
وانا اللى وقفت ع السارى
وبحمى ف ضهرك العارى
لكنت يمين ولا يسارى
ولا للحزب متجزب
انا اللى عايشها وف حالى
ومتعزب فى ترحالى
واقول بكرة هتصفالى
يعدى العمر وسنينى
ما بين اوجاعى وحنينى
واقول يمكن تحبينى
واتارينى بحبك بس انا لوحدى
واموت واحفظ انا عهدى
وعهدى كل ما املك
وما املك ما يكفينى
لكن برضه بيكفينى
اعيش فارس على ارضك
واموت مصلوب فدا عرضك
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
