ط
مسابقات همسهمسابقة الشعر

في بينا حاجه بحسها.مسابقة العامية للشاعر / هشام أمين كامل من مصر

هشام أمين كامل
القاهره
شعر عامي
………..في بينا حاجه بحسها.
في بينا حاجه بحسها
وحاجات كتير
برتاح لها
في بينا
احساس استحاله
يكون غلط
حسيتهُ ليك
مع كل دقه
بتتولد
احساس وطيفهُ
عليك جناحه
بيتفرد
خلي فحياتي حاجات
كتيره عشقتها
في بينا حاجه بحسها
في نظرتك بشوف حياه
غير الحياه
من لمستك
جوايا تصرخ
الف اه
علي كل لحظه
بُعد عنك عيشتها
خلي رموشي ضلتك
قرب وقرب خطوتك
وريني فعنيك لهفتك
انا من زمان محتاج لها
قربني من حضنك اوي
سيبني اضمك بالقوي
خلي مشاعري ترتوي
من كل حاجه بحبها
ابني باوراق الشجر
سلم يطلعنا القمر
يبعدنا عن كل البشر
عن كل ثانيه حزنتها
في بينا حاجه بحسها

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى