القلب طير مجروح
بهموم كتير بيبوح
مبتور جناح قلبى
وقف ومتخبى
فى الفجر كان مدبوح
طلع قوام فى الروح
القلب لسة وليد
معزوم على الدنيا
والفجر لسة جديد
مربوط بحبل حديد
قدر ده والا وعيد
يادنية المواعيد
القلب لسة وليد
خايف يعدى السكة
ويرسم الضحكة
بين ابتسامة وآه
بعيش بسعادة مبتورة
وكل ملامحى محسورة
حياتى وروحى مكسورة
ونبرة فى صدرى محشورة
وبـِتـْعـَانِد..عشان تطلع مهيش عارفه
فبتخيل مـِتين صورة
معاهم بسمة مقهورة
ووش كئيب
خلاص مليت
أعيش بسعادة مبتورة
=============
