أبُويَا البسيط قصيدة عاميه أبويا العظيم الكريم المسالم ابويا اللى شامخ شموخ النخيل بيزرع ويقلع وِرُد المظالم أبويا السليل الأصيل النبيل بيكره لكل اللى عادَى وظالم وِصُون الأمانه وِرُد الجميل أبويا اللى بَادِر شراقى الغيطان زكَايب محبه بطعم الايمان وتَمْتِم بفاسُه عليها بأمان ابويا اللى عاشق لصوت الأدان ومن بدرى يصحَا يِصَحِّى بعزيمتُه لصمت المكان فتنهض سنابل سنينا العجاف تشَبع بطون الغلَابَه النِحاف يافارش ترابها ونُومك عَوَاف مصاحب لطُوبه وشمس الصباح لا همَك في مرَّه عِواء الديابه وزرع الكآبه وعصف الرياح ياناي الغنَاوِي فى دنيا الحكاوي ياليل السواقي أكيد في اختلاف دي بقره في مدَارهَا ومين مرَّه جارهَا ولو حتى جارها تشد بكتَافهَا عِزَالهَا ونافهَا ياشقِة نفَسهَا اللي مَاسَه الشِغَاف أبويا اللي حاسس بدمع السواقي وبِيرها الغوِيط وسيلها اللي جاري ف حضن القناوي وليلها الحويط وندَاهَه تِندَه ومارِد فى غِيط يطَبل وترقُص وعالم تزِيط فكن يبني راجل ياتعمل عبيط وعيش ع الكفَاف فى زمن الجفاف وغمِسهَا حَاف ورمم كسُورَك ونَحِّي الخِلاف يانبع الطيابه ورمز الصلابه فى زمن الصحابه يابُويا البسيط يابُويا البسيط **** الاسم/حسن أبو عرب محمد قرية الحواوشة مركز المنصورة محافظة الدقهلية جمهورية مصر العربية رابط الصفحه https://wwwfacebook.com/profiLe.php?!d=100017920533b79
