ط
الشعر والأدب

قصيدة :أحزان للشاعر / سامى الجندى

(احزان)

______

ساعات الدنيا بتمسى

فى عز الضهر والشمس

حراقه

ساعات الليل بيبقى نهار

والنفس طاله ومشتاقه

والعكس بالعكس

وتعظيم سلام للى قادر

يتحكم فى سواقه

تغريدة على تغريده

وضحكه باهته بس رواقه

والحكم صفر

نهاية ماتش واحد صفر

بين قلبين

قلب فاز بالغدر والتانى

عشاقه

يارحله طاويه جناح على

جناح وايادى متكتفه

وايادى سراقه

كله من براح ضيق

جوه سرداب

اوله كان بيطل على

نور وانفاسه خناقه

واخره شمعه مطفيه

وعيون أصابها العمى

بس برااااقه. !!!!!!

احزان

ل ::: سامى الجندى

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى