*************
اثبت مكانك وارتكز
فوق المبادئ والقيم
وبلاش تطاوع خطوتك
نحو السراب والإغتراب
لتشيل تراب المعصيه
وتبدل الخُلق الرفيع
بشتات عقول الأغبيه
اثبت مكانك واتعظ
ليهد ضعفك قوتك
والخوف بسيفه يموتك
وتلاقى نفسك مُنحنى
ظهره انحنى
بعيون بتنزف م الندم
حسره وملام
وكلام حروفه بتشتكى
جرح وألم
للكراسات اللى احتوت
أحلام صَبى
عاش عمره كله لكلمته
وبحكمته
أصبح نبى
يتعلموا منه البشر
معنى السلام والاحترام
الأبجدى
وبدمعته
راسم طريقه وسِكته
ومناه يطول نجم السما
وينول بحرفه الأوسمه
وف ايده ورقه بتشتهى
سن القلم
يكتب عليها بقوته
ممنوع يقرب مننا
سرب الجراد اللى انتوى
يغزو الخَضار اللى ارتوى
من دمنا
ياكل بواقى حلمنا
اثبت مكانك وافتكر
إنك علم
****************
رضا أبوالغيط
