الاسم:محمد عمادالدين محمد
رقم الهاتف:٠١٠٣٠٦٨٤٦٣٤
رقم الواتساب:٠١٢٠٠٣١٣٨٥٤
صفحة الفيس:
https://www.facebook.com/profile.php?id=100009422051526&mibextid=LQQJ4d
نوع العمل:الشعر العامي
قصيدة ازيك؟
ازيك..
أول كلمة دخلت بيها حياتك
ردك عليا كان ناشف حبتين
أول مرة أقابل فيها فاتنة زيك
تبص عيوني في عيونك تلاقي حنين
يا بختي الأبيض الأجمل المحظوظ
أقابل واحدة تخلي قلبي ليها يتوب
يا أملي المنتظر اللامع الملحوظ
تجيلي الفرصة أمحي فيها أي ذنوب
أول مرة أشوف الاحتلال
عود فرنساوي عيون إيطالي ضحكة ألمان
موافق على قيود الاستغلال
مادام الحب هيبقى معاكِ قيودك أمان
قالولي كتير عن طعم الحب
وسهر العاشقين لنص الليل
قالولي هتتبدل حياتك غلب
ولو نمت بدري تشوف الويل
لكن هتلاقي شخص يديلك براح
تضيق الدنيا بيك تروحله ترتاح
هيسمع ليك هيشاركك بلاويك
يعوضك فرحة عن كل شيء راح
ازيك كلمة بدأت بينا حياة
الصدفة رسمت بينا طريق
حبيب يحبك تعيش عُمر وياه
يكونلك وقت الشدة أوفى صديق
الحب فعل مبني على الحنية
ادي قلبك لشخص يغْنيه
الحب خوف مسؤلية تضحية
قبل متعيشه طبق معانيه
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
