ط
الشعر والأدب

قصيدة ( أمى ) للشاعر / محمد خليل

( أمى )

اللى بيها فى الكون دا كنت

………

أمى كلمة متتوصفش

أمى كل حاجة حلوه

زى ضله فى حر شمس

لحظة دفا فى عز برد

زى حلم . لما اكون جوه جنه

امى يحلى بيها عمر

امى نور فى سكه ضلمه

امى بر وقت توه

امى الصدر الحنون

اللى بهرب انا ليه

لما تكون الدنيا ضد

امى قلب مليان لي حب

مش هتلاقي زيه قلب

امى متعرفش المصالح

غير اكون عبد صالح

شايل لها شويه ود

و الهديه لو حتى ورد

امى دى الجند الحارس

طبيب وعشانى دارس

لصحتى ديما تتابع

امى دى حاجات كتير

و ساعات تغير

لو انشغل عنها بشئ

حقها دا جايز

امى شايل البيت بطوله

شايل معاه كمان همومه

تتوجع متقولش اها

راحتنا ديما هواها

عايز بكره لينا خير

مليان فرح و سرور

ونشوف لها حفيد و حفيده

تسمع منهم كلمة يا جده

امى يارب تبقى

ديما ضهرى و سندى

صدقيني يا امى عارف

كل شئ حواليا شايف

كل انسان ساعات بيعصى

و يرجع يا امى يتوب

محمد خليل

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى