خاص بمسابقة همسه الدوليه
الاسم.. علا عبد الحليم فياله
البلد..جمهورية مصر العربية
محافظة الجيزه
الفئه.. عاميه
عنوان العمل… أنا الأقوى
ولا عمري أبيِّن ضعف
وأنا المحتاجه للقوه
أبان للناس أقول عادي
وأنا المكسوره من جوا
ولما دموعي تخدعني
أداري الحزن بالضحكة
وصوت العقل يمنعني
أبان للقلب مكسوره
أشوف الضعف ف عيونهم
وأنا ع الضعف منصوره
وماستسلمش
وخز الجرح أكيد مؤلم
لكني عنيده مابتألمش
وبحمد ربي ع الأيام
صحيح قاسيه ساعات لكن
بتكره فينا لاستسلام
ف بنعافر عشان نوصل
عشان بكره يكون أجمل
فنحلم حتى لو خايفين
يدق الحب أبوابنا نقوم فاتحين
ومابيفرقش مين فارق
ماهو لو كان ف يوم فارق
كانت طمرت العشره
يبان دهب صحيح لكن
ف الأصل كان دهب قشره
فلو موجوع خلاص أبكي
عشان تتعلم من الأيام
لكن اوع ف يوم تشكي
وتتعلق ب ريش أوهام
