الاسم :شيماء خميس ابوسمرة
اسم الشهرة: شيماء ابوسمرة
الدولة : مصر
المسابقه : الشعر العامى
قصيدة “الايام بتنقط شر “
شاورت
وقفت طريق
متسند فيه
على قلمك اللى
اتهرى تلطيش
ولدرجة انك
ك الابونيه
تتشال للزنقه
عشان ماتعيش
طب مابتمشيش
على خط الخدمه
وتلقى امان
دة طريق الرحمة
اتملى دخان
علشان ماتشوفش
الناس بتعيب
فالطيب ابو
تكتيفه ونص
والادب الحلو
شريط افلام
ومشاهد فيه
محتاجة لقص
الدنيا مقص…
والروح كرتون
وآدى دقنى
ان قلبت يوم برخام
الفازة اللى تزين بدروم
تستاهل حكم
ديكور اعدام
وياحضرة بيه الذوق العام
هنعيش ونموت
من غير مانشوف بالمسك ختام
طب بس الحبكة
بدون مشاوير
والقفله تطير
وبدون مونتاج
وانا كل مااقول
الدنيا بخير
ارقص فالخيبه
بدون باتيناج
وبحس الدنيا تنقط شر
طب اقولك سر…!!
بطلنا الشعر اللى
اسمه هجاء
علشان ماكسبنا
ثواب المدح
واهو صاب
الصفوة لسان
حراق
واهو حط الشطة
فى طبق الردح
السكة الصح
اتكعبل فيها
الحلو ب مر
والقلب الدح
ملبوس ف كيان
بيقول انا حر
واهو فات فالعمر
الحزمة اللى بتربط
ف جروح
وان جت بالبركة
مبادىء روح
راح تسمع الف سلامه
وبعد الشر
الاصل اتغر
علشان ماتضيعش
قناعتك فيه
اعلن مضطر ..بالملك
وإن الدون جواريه
صدقنى الطفل
اللى اسمه النيه
من حقه عليك
انت تربيه .
وضميرك لو مولود
متيتم
الاب الروحى
كمان سميه
واتشعلق فالاخلاق
واتعف
وفحضنها كون
زى الابونيه .
# كلماتى … شيماء ابوسمرة
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
