ط
الشعر والأدب

قصيدة : أنا شاعر . للشاعر / عز الدين خلاف

أنا شــاعر فصحى وعاميه

وحروف كَلِمــــــاتي دهبيه

وماتستغربش عشـان عمي

بيرم ونديـــــــم

في العاميه

والفصحى حافظ مع شوقي

والمتنبي

وابن أُمَيـــــــــــّه

أنا بويه خلاف الشــــــاعر

أستاذ اللغــــــــةِ العربيـــه

إبن الأزهــر مَغنى

ومعنى

عملاق الســـاحه الشعريه

يعني من الآخر

أنا شــاعر

من بيت أدبـــــي

عَلِّم فِيّــه

***

لا بَحِب التقليــــــد الأعمى

ولا حِب الفكره السطحيــه

كَلِماتي

م الدهب الخـــالص

في أي قصـــــــيده

خليليـه

اغزل منها التوب الســاخر

واهْديه

لقصـــايدي العاميّه

وماحَمِّلْهُمش فــوق اللازم

أكوام الصـــــــور الخيالية

الصوره

عشان تخدم معنى

مش لازم حواليــــــها مِيَّه

دي الشـِيلَه

لو تِقْلِت قَطَمِت

ضهر المعنى من غير دِيّه

***

أنا شاعر فصحى وعاميـه

والشــــعر بيتشرّف بِيّــــه

مع ذلك

هفضــــــــل أتعلم

علشان الّي قَريتُــــه شويه

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى