قصيدة (أوجاع الغربة) مسابقة الشعر العامى بقلم / إيمان رضوان

خاص بمسابقة همسة الدولي
نوع القصيدة عاميه
…………………………

أوجاع الغربة
========
اخدت اية من السفر
قولي يا نور العين
من بعد طول الغياب
راجع بالهدميتين
حققت اية ف غربتك
قولي، طول السنين
حوشت كام منها
وجبت اية فدادين
كام ليل غريب بتها
كام دمعة جوه العين
كام مرة من غير عشا
كام مرة نمت حزين
وجعت قلب الوجع
فرحت ليه الشامتين
غلبت اقولك هنا.
بلدك يا ضي العين
حفنه تراب منها
ملكك مهيش بالدين
تلقي الدفا ف حضنها
لو حتي نمت حزين
تصحي، علي، فجرها
تنسي اللي نمت عليه
اصلي، اللي، بيحبها
لا كان فقير ولا بيه
الحب حب الوطن
ممدود لنا بأيديه
اوعاك تغيب عنها
وتموت وحيد نوبتين