مسابقة مهرجان همسه لشعر العاميه اسم المتسابق شريف أنيس رزق اسم صفحتي على الفيس بوك شريف أنيس لينك الصفحه https://www.facebook.com/profile.php?id=100007475952129 رقم التليفون. 01285089829 قصيده بعنوان رد الجميل رد الجميل يا قلبي للأزمه وأشكر حيطان الستر لو باشت كل الوشوش تلمع بدون لازمه نجوم خيال بتموت ولو عاشت وقت الجماليل يرقصوا حواليك غنوة تعالب لحنها كداب تيجي الهوايل ويسيبوك وحديك والمكر غالب والوجع متساب صبر عيونك بالحنين وحدك وإكتب بروحك كلمتين ع السطر مفيش عيون غيرك تزور وعدك ولا قلب تاني يعدي بيك العمر طبطب علي نفسك بصوت مكتوم وإرفع جناحك فوق لألف براح إنت اللي تقدر تنكسر وتقوم وإنت اللي تصنع م الوجع أفراح رد الجميل للحزن لو جالك الصدق واضح بس وقت النوح وإياك تصدق لحن زيف طالك أو فرحه مش بتحس بالمجروح طمن عيونك لو غلبها الخوف وإفرش سنين العمر توب يحميك الناس ف وقت الجرح مش بتشوف غير بس صوت الدمع جوه عينيك رد الجميل يا قلبي للأزمه وأشكر حيطان الستر لو باشت كل الوشوش تلمع بدون لازمه نجوم خيال بتغيب ولو عاشت
