الإسم الحقيقى : ولاء محمد سلامه بركاوي الدوله : جمهوريه مصر العربيه إسم الشهره : ولاء البركاوى لينك صفحه الفيس بوك الخاصه بي : https://www.facebook.com/walaa.elberkawy?mibextid=ZbWKwL نوع النص : شعر عاميه إسم النص : إتنين مارلبورو النص : بعد نُص الليل بِحَبَّه وكُلْ حَي بيِستخبَّى جُوَّه حِيرتُة بعد ما بتمضي إنصراف م اليوم وبتسدد ضريبتُه بعد نُص الليل وصَمْتَك والحنين لفصول روايتك إللي عدِّت من سنين بعد نص الليل وجَرْحَك شارب إتنين مارلبورو وكاس وبيعَاندك ويِضْحَك وإنت سكران رغم أَنفَك بتجاريه وعامل مصَاحبُه والقلق والليل مِشَاركُه والوجع وإتنين معَارفُه ويَّا حيرتَك سهرانين بعد نُص الليل ونَايك علَّا فولت الحزن ومعانِد جَنَابك وإنت سايق فيك بِقِوة والدموع فارضة إحتلالها والساعات سايقة ف دلالها والثواني مش ثواني والدقايق شدَّه حِيلها وإنت بتشِد ف رِحَالك بس مش عارف لفين بعد نص الليل متاهة فارده بالجامد قلوعها تصطَفِيك لاجل إن تَخُوضها تبدأ العاركة تجَاريها تلتفت مين إللي فيها شئ يمِّس جميع حوَاسَك مِ الأمل يرميك ليأسك يستعير منَّك بَراحَك يطفِي نور الحلم ويقَصْقَصْ جِنَاحك شئ برغم رضاك معاكسَك تبتدي تحقق تدقق تِلْتفت تلاقيها نفسك بعد نُص الليل بحبَّة كل شئ حواليك بيِهْدى وإنت من جواك ف زحمة دربكة ودوشة ومناهدة شئ وبيعلِّل ف ذاتك لاجل يوصل إيية حقيقتك