ط
الشعر والأدب

قصيدة : إيه اللى جرالى .للشاعر / رضا أبو الغيط

ايه اللى جرالي يا واد خالي

ومغير حالي

ورماني ف بحر ملوش آخر

والموج أهو عالي

من مدة قلبي ماهوش راسي

وبيشغل بالي

وتملي الشوق بيسهرني

ف الليل الخالي

أمي لو نادت مش سامعة

وللا واخدة ف بالي

وأبويا يقولي هاتي الشمعة

أديه رَحالي

على وش صحابي الضحكاية

دايما بتلالي

وانا وحدى بدارى ف أحزاني

بالطرحة وشالي

أنا كل ما أغمض ألقاني

شيفاك قدامي

وانت مش شايف ولا سامع

رنة خلخالي

ايه اللي جرالي ياواد خالي

ايه اللي جرالي

خلاني أسهر صباحي

والليل يحلالي

متريح بالي ياواد خالي

متريح بالي

تُقلك عذبني وسكوتك

شمت عزالي

امتى تقولهالي ياواد خالي

امتى تقولهالي

وتجيب مأذون يجمع بينا

وتكون لي حلالي

ايه اللى جرالي يا واد خالي

ومغير حالي

ورماني ف بحر ملوش آخر

والموج اهو عالي

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى