(ادخلوها أمنين)
كل حاجه بحب ظاهره
المدد لونك ياطاهره
ياام الغلابه الطيبين
ليه عيونك لونها باهت
ليه الفرح عنواينه تاهت
والألم مكتوب بخوف مالو الجبين
بكره شمسك لما تشرق
نلقى نورك فى الطريق
بكره حضنك لينا يصفى
يحلى دنيا يبل ريق
والحقيقه انك أبيه
مصر مش عزبة وتكيه
فخر ليكم فخر ليا
مش كمانجه
ولحن بايت من سنين
مصر ثورة حق تظهر
وقت ذل أو مهانه
مصر بينا تملى تكبر
محفوظه ليوم القيامه
مصر رب الكون حافظها
من اللى عايزين يخربوها
مصر مطلب مين يعوزها
تبقى جنبه بالأمانه
مصر احمد مصر حنا
مصر جيش صاحى عشانا
مصر بسمه وضحكه صافيه
مصر أم الملايين
ياللى ناوى تبيع مبادئك
لاجل أحفاد بن يمين
انسى فكك منا اصلا
احنا قوه موحدين
العليم دايما حافظنا
قاااال (إدخلوها أمنين)
نور الجنه محمود درويش
مصر
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
