الأهلي بعبع افريقيا
ف اللعب عمره ما بيهزر
والباقي زي الروبابيكيا
علي خيبته قاعد يتحسر
ع القمة قاعد ومربع
والكل قدامه بيركع
والشبكه من خوفها بتوسع
والكورة تدخل تتمخطر
الأهلي بعبع ف الكورة
والكل قدامه بيصغر
ف القارة اسمه الأسطورة
وتملى ف الكادر بيظهر
الأهلي أهلي ومين ينكر
أنه الوحيد اللى بيبدر
الفرحة ف قلوب أهلينا
ويعلي مصر أكتر وأكتر
الأهلي مش بس بطولة
ولا هو سله ولا كورة
الاهلي دايما ف الصورة
وإدارته غالية وبتقدر
الأهلى أهلي ومين يقدر
ما يقولش أنه فريق سكر
وأنه الوحيد اللي بيسعد
جماهير كتيرة ما تتقدر
فريق عظيم مية المية
وكورته حلوة وعالمية
و لمصر جاب أحلى هدية
الله عليه .. الله أكبر
*******************
رضا أبو الغيط
