السقــــــــــــــا مــــــــــات ؟!!!
ــــــــــــــــــــــــــــــــــــــــــــ
:
كان ياما كان أيام زمـــان
أنا كنت أروح ف إدين أبويا .. شابكه إيدي في إيد أخويا
نزور جنينة الحيوانــات .. نقف قصـــــــــــاد :
” البغبغــــــــــان “
ويقول :
( أبوكـــــوا السقــــا مـــــــــات )
!!!
ولا كنا نعرف يبقي إيه السقا يابـا ؟!.. ولا كنا نعرف حتي ايه معني :
” الممـــــــــــــــــات “
؟!!
أنا كنت أ ضحك لمّا أقهقـــــــــــــــــــــــــــــــــه !!
وامشي طول السكة أقول لها للعيال وسط الحـارات
يا عيـــــــال :
( أبوكـــــــــوا السقـــــــا مــــــات )
!!!
والطفولة كات زمان هيّ البراءة ؟.. وما كانش فيها أي لمحه م الجراءة !
~~~~~~
أطفال زمان كانم غلابـــــه ؟.. وما يعرفوش الفرق يابـــا ؟
بين الكـــــــلاب ولآ الديابــــــــه ؟!!!
~~~~~~~
وماكانش لينا ف أي حلم يكون بعيـد ؟.. الحلم دايما جوّه منّا كان وحيد !
ليّه كان فستان وصندل لونه أحمركان بأبزيمـــــــــه حديد
أماأخويا بدله كامله وجزمه سودا والشراب وحزام جــديد
” كانوا ييجوا مره واحده ف كل عيـــــد “
؟؟؟
وما كانش
لينا في الأمل والأمنيات غيرإننا من عيد لعيد نروح
” جنينة الحيوانـات “
نجري قوام ع البغبغان ويقول : ” أبوكوا السقا مـات “
!!!
راح الزمان
وخد معاه كل الأمـان ؟! .. قتل البراءة أحيا الجـراءة ؟!!
؟؟؟
حتي الكلاب المخلصة ؟.. قتلها يابا / أحيا الديابه ؟!..
والدنيا صبحت زي غابه !!
ولا عادش في أطفـــال غلابـــه ؟!
قصدي غلابه زيّنـــا ؟! ما الغلب أصله ف شرعـنـا ؟..
ماكانش غلب بمعنى فقر ؟.. ماكانش قهـر ؟!.. الغلب فينا كان :
” طيابــــــــــــــــــه “
!!!
بنّــام كده
بعد العشـــا علي صوت حواديت أمنـــا
تحكي لنا ع الشاطر حسن ونشوفه فـــارس حلمنـــــا
ولا كانش في تليفزيونات ولا فيديوهات ولا دشّيهات
ولا / الموبايل واللابات ويّا التابات هجمت علينا كلنا
ولا آي حاجه من الحاجات
قدرت تهّوب يمّنا
وتلخبط الصورة الجميلة اللي بترسمها :
” أمنــــــــــــــــــــــا “
نصحي علي صوت { الادان } من فوق سريرنا يشدنا ؟!
:
نجروا نصلوا ونفطروا
ونلبسوا يابا المرايل ؟.. وما كانش فرع مايل ؟!
نجرررروا بسرعه ع المــدارس
وبلدنا كانت بحر هـــادي .. وإحنا فيه كنّا النــــــوارس
كل الشوارع كات أمان { والمولي } بس لوحده حارس
~~~
والطفل كان كتوت فصيح ف البيضه كان عمّال يكاكي
واللبس فينا كان موحد ؟.. والمرايل لونها كاكــــــــي
~~~
وما كانش في :
ولا ” كيه جي ون ” ولا ” كيه جي تـو” ؟!
ولا كانش فينا طفل واحد من ” هدومه ” ؟.
سهل تعرف مين ” أبــــــــــــــــــــــوه ” ؟!
:
ما احنا كنا ولاد بلدنا
كنا جيل :
( ثورة جمـــــــال )
اللي شال كل الملوك اللي زال الاحتلال .. اللي طلّع لانجليز اللي :
( أمـــّـم القنـــــــال )
اللي خلي الارض عرض .. وإحنا فيها أغـلي ورد .. كنا حب وكنا ود
كنا مصــــــــر في أحلي عصـــــــر
كنا معني مالهش حصـــــــــــــــــر
كنا يابا ولاد جمـــــــــــال .. اللي علمنا النضــال
اللي علمنا الصمـود ؟..كنا شعب من الجنـــــود
كنا نــــــار فوق كـــــــل عـود
~~~
وانتصرنا في بور سعيد ضد عدوان الثلاثــي
الصهاينه والانجليز والفرنساوي الاساســــي
~~~
اللي جه ياخد بتاره لمّا
( أممنـــــــــا القنـــــــــــال )
نصر كان فوق الحقيقه .. نصر كان فوق الخيال
~~~
انتصرنــــــــــــا ودقنا طعم الانتصـــــــــــــــــار
وابتدي الليل أللي عشش يختفي بنور النهــــار
وارتفعنا في العلالــي واتبني
( الســــد اللي عالــــي )
اللي قالوا ” عليــــــه ” محـــــــــــــــال ؟!!!
( اتبنــي بالإحتمــــال )
!!!
والنهارده لسّه خيره
( صدقـــــــــــه جاريــــــــــه )
تروي مصـــــــر بروح :
( جمــــــــــــــــــــــــــــــــال )
~~~~
ميـّته تسقينــــــــــا نشبــع .. نروي بيها الأرض تزرع
واندفاعها بيدي طاقـــــه شغلت كذا ألف مصنــــــــع
~~~~~
( نورت كذا ألف قريه00 لاجل تحكي ذكري غاليه )
ذكري تصرخ فين
( جمـــــــــــــــــــــــــــــــال )
؟؟؟
والاجابه ع السؤال :ـ
( لمّا خانــــــــوا ف يوم جمــــــال )
!!!
إنكسرنا في خمسه يونيو ودقنا ذُل الانكسار ؟!!!
( بس أعظــــــم الرجـــــــال )
قال :-
سكوتنا شئ محــــــــــــال ؟!!!
( حرب الإستنزاف طريقنا وإحنا واخدين ع النضـــال )
؟؟؟
( وبعزيمـــــة الرجـــــال )
صحـّــي مـــن تانـــــي الآمــــــال
~~~
:
وآمّا فجأة مات
( جمــــــــــــــــــال )
؟!!!
اتكسر فينا
التحدي والتصدي والاحتمال ؟!!!
:
وامــّـــــا
رحنا للجنينــه ؟
” بغبغانها الصاحــــي “
قال :-
يا اللـــــــــي :
” أبوكـــــــوا السقــــــــــــــا مــــــــات “
؟!!!
:
يومها ؟
” فجـــــــــــــأه “
عرفت معني ؟..
كان
ف ” صغـري” مالهش معني ؟!!
يعنـي إيه ” السقا ” يابا ؟!!.. يعني إيه كلمة : ” مـات ” ؟!!!
:
كان
( جمـــال السقــــا لينـــــا )
:
والنهارده
((( جمالنـــــــــــــــــــا )))
:
” مات “
!!!
ــــــــــــــــــــ
:
شاعرة الشعب
زينات القليوبي
