خاص بمسابقة مهرجان همسة الدولي للفنون والآداب
فرع / شعر العامية
الشاعر / محمود السيد محمود
اسم الشهرة / محمود السيد
جمهورية مصر العربية
القاهرة .
رقم التليفون والواتس آب
01001061110
صفحة الفيسبوك
https://www.facebook.com/share/1ASMQWKDhK/
اسم القصيدة / الصحاب
الصحاب
اللي جه وقال لك يا صاحبي
بكرة عادي يقول عليك
واللي باع غيرك تأكد ..
مستحيل يوم يشتريك
أصل فيه الطبع غالب
زي كلب فـ ديله قالب
أنت تبني فيه وهو ..
بكل قوة يهد فيك .
اوعى تستغرب ده عادي
كل يوم هتشوف كتير
دي الحياة مليانة ياما
مـ اللي منهم تستجير
خدها مني يا واد نصيحة
قبل ما تشيل الطريحة
قبل ما تفكر تصاحب ..
صلي لله واستخير
قول يا رب ارزقني صاحب
يبقى خالي من الجحود
يبقى زي الروح لروحي
شخص بيصون العهود
حد ينفع يبقى أخ
مش شيطان ينصب لي فخ
مش فـ وشي يبان حبيبي
وهو طبعه كاليهود
دي الصحاب ارزاق حذاري
يبقى رزقك فيه حرام
ده الصفيح بالكوم ومرمي
والدهب / لأ بالجرام
يعني حاسب مـ الرخاص
صحبة دي مش ميكروباص
نقي ناس تتباهى بيهم
يبقوا زيك مـ الكرام
يعني صاحب ناس أصيلة
وفـ طباعهم يشبهوك
لو بعينهم شافوا عيبك
مستحيل يوم يفضحوك
أصل يا ابني الناس معادن
في اللي غالي وفي الرخيص
ماشي ناس يلقوك في شدة ..
بالقلوب راح يسندوك
اوعى تتغر فـ مظاهر
او بضحكة على الوشوش
او تآمن ناس أساساً ..
للأصول مابيحسبوش
مهما تعمل خير معاهم
هتلاقيه يترد شر
هو ده طبع البشر
بعضهم مابيرحموش
من صحاب السؤ تملي
اسأل الله السلامة
قول يا رب احميني منهم
من هنا ليوم القيامة
اعمي عيني يا رب عنهم
عـ الدوام يرخص تمنهم
في الحياة وكل اللي عانهم
صحبة الشوم والندامة
لو تصادف حد طيب
يبقى رزق حلال عشانك
شيله جوا عينيك وعيش
في الحياة سلطان زمانك
أصله هيكون لك حقيقي
زي مآوى وبيت وضل
لو طريقك يوم يضل
فجأة يعدل لك ميزانك .
خد نصيحة كمان وركز
الوفا مش بالسنين
في الحياة ياما اتأذينا
مـ اللي كانوا قريبين
والكلام دا أكيد وحاصل
مش شكوك / لأ باليقين
جت حقيقي الطعنة منهم
لما نصبوا لنا الكمين .
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
