قصيدة : الوحدة العربية . مسابقة الشعر العامي بقلم / مريم ابراهيم البرجيسي

من أرض الوحده العربية *** غير توته مايله مش فاضل

ومساند حوالين طبليه *** ياما جمعت في الماضي أفاضل

وف راديو بتعزف اغنيه *** بتعلم من مصر لبابل

ايه معني وقيمه القوميه *** وقضيه أُمه بتناضل

اتنحت منها الانانيه *** والكل عشان تعلي أتنازل

مش لأجل مصالح شخصيه *** ع العزوه صباحنا بنتحامل

ي اخوانا حبه ورديه *** والإسود حطوه ع الحامل

دي التوته اللي فاتوها عفيه *** أجدادنا جدورها بتتاكل

وفروعها صبحت محنيه *** من هجر الراوي بتتمايل

لهي نافعه ضله وشمسيه *** ولا غيه لحمام الزاجل

واهي دبلت توته القوميه *** و الدّيّه اُمه بتتقاتل