ط
الشعر والأدب

قصيدة : انا حد ومتعود يخسر . للشاعر / محمد عبد المنعم ( منعم )

انا حد ومتعود يخسر

ويضيع ناس كانوا حابينه

وعليهم ييجى و يتشطر

ويروح على ناس مش شاريينه

انا حد ومتعود يكسر

ويدمر احلى واغلى ما فيه

متعود يهرب ويدور

على حد هوايته إنه يبكيه

&&&&&&&&&&&&&&&&&&

والناس اللى بتدمن حبى

مالهاش يا خسارة مكان جمبى

والناس اللى بتكسر قلبى

تلقانى بدور ليه عليهم

انا حد غريب تايه عنى

انا بكدب لو قلت فاهمنى

والناس اللى تحب تبيعنى

مش عارف ليه برضه شاريهم

&&&&&&&&&&&&&&&&&&

انا حد ومتعود يخسر

ويضحى بناس عاشوا عشانه

ويروح على ناس مش بتقدر

وبتزرع شجرة أحزانه

انا حد وغلطه بيتكرر

ولا عمره اتعلم يوم منه

لو كان بايديا إنى اقرر

انا كنت اكيد هابعد عنه

&&&&&&&&&&&&&&&&

كلمات

محمد عبد المنعم

منعم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى