خاص بشعر العامية
وائل ساليم عبدالله
من مصر
………………….
عنوان القصيدة “تسريحة”
وبرغم الشيب اللي لاحظته بيكبر جوَّايا
أنا حرفي بيفلق قلب الصخر
بيعايش حالته في توب من نور
ينفخ في كتابه عبير أحلام
مستنظر عشق وشوق ولهان
يبدر حكاياته ف كلمة وسطر
الحب حياة
والشعر ده أمر
مكتوب على جرحه ينام م البوح
ويخبي العمر اللي انا عشته
ف دهليز الروح
يدخل تجاعيده ويتنهِّد
ينضح إنسان
وبرغم الليل اللي ساكنِّي
أنا قلبي صباح
عصفور بيدندن ويغني
والصوت صدَّاح
الشمس بتشرق جوايا
والليل ده وشاح
بتغطَى بنور قمره وضلُه
علشان أرتاح
وأتعايق بكلامه وسُهدُه
وأعيش في صباه
فبرغم الشيب اللي لاحظته بيكبر جوايا
هنزع من قلبي الخوف وانساه
على ناصية قلبه أسيب حرفي
وأموت جُوَّاه
بقلم/#وائل_ساليم_عبدالله
