قصيدة : جربت تنام .. مسابقة الشعر العامي .بقلم / رباب الجورية

للمشارك في فرع العامية في مسابقة همسة الدولي

الاسم / رباب حسن حسن على
الشهرة/ رباب الجورية
البلد / مصر

رابط الصفحة ع الفيس بوك

https://www.facebook.com/share/1G8P3nmnED/

جربت تنام
بعيون مفتوحة ومش نايمة
او عين مقفولة وعين صاحية
نايم في أحضان الخوف بردان
خايف لتشق ايادي الظلم جدار حلمك
فيبان ضهرك..
تصبح للوحدة و سكاكينها
واحد عريان..
……..
جربت تخاف
من ذُقر صغير جوة الحيط
تطلعلك منه ديدان الهجر
وتُشق حيطان بيتك فتننام
وتقوم على ناب غربة واحزان
مغروس. وبيقطم في ضلوعك
.. بصمات الوقت على الجدران
بتشد سنينك من عمرك
وبتصلب كل المشتاق فيك
انه يعيشك
……….
جربت البرد
مش شتا ولا هوا ولا مطرة ورعد.
ده البرد الل بياكل روحك
وسنانه بتنهش فيك في البعد.
بينفّض في السقعة جروحك
ينشرها على احبال من ضعفك
فتفقفق من جَلدك ذاتك
(حبة خرابيش)
تشبه للحرق الجلدي
ولَكن
فى الروح شرخت
مش فوق الإيد
…….
جربت تحب..
تفتح قلبك وتقول جايز
ألحقلي مكان ويّا العشاق
جايز أتحَّب
فتروح وتسلّم مفاتيحك
يدخلوا مرة
ويخرجوا عشرين..مرة
وانت المسكين
قاعد مستني قصاد شوقك
تسمع تكة مفتاح شوقهم
على باب قلبك
بيرد في قلبك دقاته
وينظم في مرور انفاسك.
أشرب ..
اشرب ياكبير
……..
جربت تخون
دااااايما متخان..
دايما فارش روحك سجاد
بيدوسوا عليه وبأقدامهم.
ولافارق طقطقة لضلوعك
ولا شايف دمعك وخضوعك
ولا سامع لأهاتك صوت
رافع راية. وكاتب فيها
انا ابن أصول
وفي آخر الصف. واقف علطول
مستني الدور …علشان تتباع
……..
جربت اللمة الكدابة
أصحاب واخوات وسند وحيطان
وفي كل. افراحك تلقلهم
كرسي وعنوان
واول مالدنيا بتيجي عليك
وفي لحظة غدر
تلوي دراعك
تلمح توبهم في الضلمة هناك.
واقف يتشدق باوجاعك.
……..
وكأنك واقف بالشقلوب
او ماشي بضهرك فى الدنيا
او يمكن في بطاقتك مكتوب
انسان م الدرجة الثانية..