علمي علمك لو دريت مين علمك
ولو قلت قبلي فانت سابق بس سنك
يدك فاتت في الورقة وخطت
وراسك عَلِمَت من صُغرها وفَكرت
عمر فات من زمان معلقك
وذكريات طالعة من قلبك
كل واحد فينا ليه حدوته مختلفة
تراكمت جوانا لحد ما بقت عاطفة
ومواقف كتيرة كان بطلها واحد
وشاغل دورها انسان رايد
حوت كلام قليل في ظاهره
لكنه قصد كتير في قلبه
كلامهم كان سلمك اللي وصلت بيه
وكلامهم سلاحك اللي اتسندت عليه
اللي علمك ان الكلام ميزان
هو استاذك من زمان
فاكره ولا نسيت شكله
ملامحه اتغيرت شوية لكن لسه هي هي
فاكر كلمته اللي رفعتك امتار
ولا نسيت لما الوقت فات وطار
فاكر لما كنت تروح مكتبه
وتقعد تزيد في الكلام معاه
طب فاكر مشاغبتك اللي كلها عبر
ونصايحه اللي كلها صبر
دايما يواجهك بكلمة حنينة
خارجه من تم طيبة
صدقني كلمته فرقت معاك اكيد
حتي لو كان مفهولها بعيد
افتكرت ولا لساتك ناسي
اللي جري من زمان كأنه حالي
اجولك ما تيجي نعيده من تاني
واحكيلك قصته اللي بقوتها منحاني
كان يا مكان يا حدوتة الزمان
يا مسمعه في كل الحيطان
يلي مقرك في قلبي زين
وقيمتك متشاله في العين
كان فيكي انسان قبل ما يكون استاذ
ربانا على الخير قبل ما يعلمنا الطير
علمنا بيت الكلام
وعرفنا معني السلام
قلنا علمكم دايما نور
في الضلمه ولو بعد دهور
خدنا من ايدينا ووصلنا للبر
بحكمته ورزانته اللي كلها جبر
كانت غيرته على علمه ملهاش قدر
وحكيه وابتسامته بعرض البحر
صفات كتيرة زينت ملامحه
تخليها بصمه في عقل صاحبه
دا حدانا الناس يقولوا جود الكلام
ميطلعش الا من اهل العلام
اوعاك في يوم تنسي دوره
وفضله عليك بروزه في صورة
وافتكر في يوم انك قابلته
وبكره قريب هتكون مكانه
رسالته شيلها فوق كتافك دوم
متبخلش بيها على غيرك يوم
دا اللي قال قم للمعلم تبجيلا
كملها وقال كاد يكون رسولا
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
