رسالة شهيد
************
مصر يا أم البلاد
انتي أغلى م الولاد
ليكي كل شئ يهون
يحفظك رب العباد
دعوة صافية بين إيديه
انتي حُبك زي مينا
قلبنا راسي عليه
تؤمري فينا تلاقينا
أى شئ نقدر عليه
كل جندى ف كل شارع
كل دعوة ف قلب راكع
مصر إسمك نوره ساطع
سد مين يقدر عليه
الكتف زاد وعيني ميه
تِرويِ أرضك بالسنين
تزرعي ورد الجناين
طرح يِفرِح كل عين
يفدى روحهُ لو عشانك
وَحشْ .. مين يقدر عليه
والنهاية مش حكاية
كِلمة كانت ع اللسان
حُبك إنتي يا مصر آيه
والشهيد إنتي ف عنيه
الشهيد إنتي ف عنيه
************
صابر فرج ياسين
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
