قصيدة . روحى لحالك .للشاعر / محمد البدراوي الغتوري

الشاعر محمد البدراوي الغتوري

روحي لحالك

ساكته ليه مبترديش

هوا انتي اسية مبتحسيش

عملت نفسي ليكي درويش

وقفلت عليكي بضبه وشيش

وقلت لقلبي بيها تعيش

راضي بحالي وحالي مفيش

ساكته ليه مبترديش

امك عامله فيها شويش

واقف حارس جنب النيش

وهيا ياعيني زي الريش

تنفخي فيه يطير ويهيش

ساكته ليه مبترديش

جوازه وكانت زي الفيش

بصمه ف بصمة وشعر كنيش

صوره ورسمه جوة الجيش

قسمت قسمة وبرغيف عيش

بعتي حياتنا وراح درويش

ساكته ليه مبترديش

حلم وكان زي افيش

فيلم جنان للحرافيش

دومنه ولعبة يك وبيش

انتوا خسرتم ونا راح اعيش

ساكته ليه مبترديش

روحي لحالك متتعبنيش

ادي جمالك منفعكيش

مالي ومالك يلا مفيش

همي وهمك راح بقشيش

روحي عند أمك

كده بشويش