قصيدة : زلزال . مسابقة الشعر العامي بقلم / رضا علي احمد ابو شنب

الاسم رضا علي احمد ابو شنب
الشهرة(رضا ابو شنب)
(مصر)
تليفون وواتس ٠١٢٨٢٣١٠٠٩١
حسابي علي الفيس

https://www.facebook.com/profile.php?id=100015259773325
خاص بمسابقة شعر العامية
قصيدتي
(زلزال)
وسط الرماد الولد
بينادي علي امه
كان لسه قبل الهدد
بايديها بتضمه
كان هو ليها السند
والدم كان دمه
يحميها زي الاسد
ولا حد بيهمه
لو مرة يطلب مدد
بتغطي علي عمه
في الشدة زي الوتد
وتشيل معاه همه
ترقي ايديه م الحسد
وتلم علي كمه
تدعيله واحد احد
انه يشيل عنه
يارب انت الصمد
من عمري زيد عمره
نزلت دموع الولد
من حزنه علي امه
من يوم ماهو اتولد
مين اللي شال همه
زلزال وهز البلد
نشف الولد دمه
******
تحت الرماد و الهدد
صرخت بكل حماس
ابَويا راح يا بلد
فين الايدين والراس
هو اللي كان السند
والقلب و الاحساس
والبنت زي الولد
والقلب زي الماس
لا همه يوم العدد
ولا خاف من الحراس
ياكل حلال ان وجد
يضرب بايده الفاس
وان يوم يجيله المدد
يفتح ايديه للناس
ابويا راح يا بلد
فين الايدين والراس
*******
زلزال وقام في البلد
والكل كان محتاس
وقع الهلال واتسند
واتهزت الاجراس
الروح تنادي الجسد
ويدور علينا الكاس
حتي اللي عامل اسد
تحت الهدد ينداس
لو صلي يوم او سجد
او حتي كان خناس
فمفيش حياة للابد
والموت علينا اساس
ومهما طال الامد
هيموت جميع الناس
وهيجي كل العدد
وميزان يكون حساس
زلزال وقام في البلد
والكل كان محتاس
والكل كان محتاس