قصيدة : سهل جدا .. للشاعر / ناصر دويدار

تبقي نجمة طايرة فوق

تبقي ضحكة ف وسط ضلمة

تبقي زى النسمة ذوق

سهل خالص تبقي خالص

تبقي وردة ف شهر مارس

تبقي حب عزيز ف مريلة المدارس

سهل جدا تبقي إنسان لك ملامح

تبقي زى صقر جارح

أو تقي طيب جوارح

ولاشكل زبيبة ناشفه ف وش صالح

ولاحتى بحر عذب ماشي حاضن بحر مالح

سهل جدا تبقي خير

قلب طير

سر بير

للي قاصدك تكتم الأمر الخطير

صعب تبقي أتنين

وأحسن لك….

صفى قلبك

عود النفس الدنية

ع العلو

الأرتفاع

سهل تبقي صدر حنية

وعود نعناع

بيتشعبط عبير