~~~~~
متهـــدى شــوية و بطــل حـكاوي
كــلامـك يجــرّح و عامــل بـلاوي
عمــلّي مفتــح و تعـــرف تــداوي
متهــدى شــوية و بطــل حــكاوي
معطل مصالحك و باصص لغيرك
تهــرتِل و دايما مخـالف ضـميرك
و راكب دامغـك و ع الذنب ناوي
متهمــد شــوية و بطــل حـكاوي
تقلّــب و تعجـــن و لُكلك ف لُكلك
وجايب فـ سيرتي ودا بس ضعفك
تتاجــر بســري ف قعــدة قــهاوي
متهمــد شــوية و بطــل حكــاوي
و عـــامـل مخضـرم و أكـبر أديب
و مـــرة ســياسي و مــرة طـبيب
و تفتي بجهـلك يا راس الحصاوي
متهمــد شـــوية و بطــل حــكاوي
لسـانك حُصـانك دي كلمـة قالوها
جـدودك و كانت تجـارب عاشوها
هتخسر مقامك و ايه راح يساوي
متهمـــد شــوية و بطــل حــكاوي
مُحـاسـب و دفــــتر راقـبٌ عتـيد
بيكتـب تمــلّي و دا شـيء أكـــيد
متقــدر تعــدل كـلامـك يا حـاوي
متهمــد شــوية و بطــل حــكاوي
و قــالـها نبيـنا رســـول الســـلام
بتفـــتح جُهـــنم لــرغي و كــلام
و لسه ســـعادتـك تألــف غــناوي
متهمــد شــوية و بطــل حـكاوي
~~~~~~~~~~~~~~~
بقلمي / رمضان العلالقة
