صباح الخير يا عمتنا
بهنيكى فى يوم عيدك..
..
يا شجرة خير و لمتنا
بندعى ربنا يزيدك..
..
يا ام اكتر من عظيمه
و احلى تيتا فى التيتات..
..
قلبها مليان عزيمه
و اكلها و لا عمره بات..
..
شايله هم الكل ديمه
اللى جاى و اللى فات.
..
فارده فوق الكل خيمه
م المحبه للى عايش
و داعيه دايما للى مات..
كريمه و الكرم طبعك
قمر و نجومنا بتتابعك..
..
يا ساقيه الكل من نبعك
و غازله توب الهنا بأيدك ..
..
صباح الخير يا عمتنا
بهنيكى فى يوم عيدك ..
..
