لما حاجه تبقى تحصل
نقول شئ وأنتهى
ليه هانشغل بيها بالنا
قبل مايجي وقتها
الدماغ ماعادتش ناقصه
حاجات كتير حصلت لها
كل ما بتخرج من حاجه
يجى غيرها بعدها
لدرجة ان الواحد مل
وبيقول دايما ربنا يحلها
لما حاجه تبقى تحصل
مش يمكن تيجى أفضل
من اللى كنت متوقعه منها
بس احنا دايما نفكر
وربنا هو المدبر
ومفيش حاجه دايما
بتيجى زي بعضها
أوعى يوم حد يوم يفكر
انه مهما كان حذر أو حريص
انه يهرب من شئ مقدر
دى كل حاجه لما تحصل
بيكون ربك كتب لها
أمتى وازاى وفين
عشان كده لازم نكون قدها
انت عارف يعنى أيه تكون
صابر على البلاوي ده كلها
يعنى فى خير هيجى
وربك شايله لوقتها
بس دايما بنستعجل الأمور كلها
ده كل شئ فى علم غيب
ومانعرفش الخير فين
بس للأسف ناس بتفقد صبرها
لكن اللى أيمانه قوى
عارف أن رزقه نازل من السماء
فلما تبقى حاجه تحصل
وقتها يحمد عليها ربنا
