عشان مبقاش ف يوم كداب
مليش .. ف حكاية الاحزاب
أنا … كل البشر …… حزبي
وكل الدنيا دي ……. أحباب
.
ياريت لو .. حد .. يفهمني
أنا …….. كل اللي هامِمْني …….. أشوفك يابلدنا قصر
مفيش غيرك فقلبي أكيد
لافارق عندي زيد..و عبيد …… لكن فارقه معايا مصر
.
ب عيني شايفها … أموره
و فيه عيون ياما مسعوره ……… مناها تتقلب لخراب
فا ليه ….. بنبوّظ الصوره
ما كان فيه حزب اسطوره .. بقى شوية ركام و تراب
.
ما دايم ….. إلا وجه الله
يا نايم .. ف العسل جوّاه ……… كتير م السم هتلاقي
دا مهما نتملي ب جروح
ومهما .. أي حاجه تروح ……. كفايه ان الوطن باقي
يا ناس على ضعفهم بصموا
ب حبل الله …. و اعتصموا .. وسيبوا الباقي له هوّه
وطول ماإيدينا دي واحده
وطول ماقلوبنا … متحده ……. هتيجي لوحدها القوه
.
ليه دايما نبقى ضد وضد
وناس دايما ف ناس بتهد … وبينهم ناس تشوف الذل
ليه طول الماتش.. بنعاني
ولو فاز حد ….. ع التاني …. زرع ف الأولاني الغل
.
ولما الكل ………. داب فيها
وهيه حبيبه …….. وحديها ….. فا ليه الفرقه ياخوانا
مفيش في الحب ده ….. لعيب !؟
مفيش فاللعبه سيب وانااسيب !؟ونمسك فيها بسنانا
.
فِرق .. ياما …. ومشتاقه
تخلى الدنيا ……. حرّاقه …………. وبلدي ربنا يعينها
فا ليه نتحط ف خصومه
وليه نشيل قربه مخرومه …. مدام احنا اللي شايلينها
.
وليه مانكونشي حزب القلب
ونبقى ليها …… حزمة حب …… ونبقى حضن حنيه
وعين دافيه …….. بترقيها
وروح صافيه …… تعديها ….. ونبقى حزب مش ميه
.
مدام ان الوطن واحد ………… و رب الدنيا دي واحد
مدام السلطه مش هامه
فا ليه أحزابكو تتسمى
و ليه …. تتشتت اللمه …………. وليه يتحزب الواحد !!!؟
.
★
.
