ط
الشعر والأدب

قصيدة : فرصة عمل .. للشاعر / شريف أنيس

# فرصة عمل

اعلان منور ف الجرايد

عن عمل

وظيفة خالية والعوايد

بالهبل

لا يشترط فيها النجاح

أو الفشل

ومش هيفرق فيها

لو حبة كسل

مطلوب موظف يبقى زايد

مش بطل

يقبض مرتب بالفوايد

دون عمل

يكون مميز ف المكايد

والعلل

أستاذ ف تدبير المصايد

والشكل

موهوب ف مسك الطبلة

مع رسم الخجل

كل اللى مطلوب يبقى عصفوره

وجمل

عصفوره طايره ف المكاتب

بالعجل

وجمل يخزن كل معلومة

لأجل

مين اللى غايب وامتى غاب

ومين وصل

نشرة مصايب للصحاب

ومين اشتغل

يسمع ويحفظ ثم يحكى

اللى حصل

هوه الحقيقة اسمه

اعلان عن عمل

لكن بطعم الهم والكيد

والشلل

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى