الاسم سلمى عبد الحكيم محمد
اسم الشهرة : سلمى حكيم
اسم صفحة الفيس بوك Salma hakem
المجال المشارك فيه شعر عامية
اسم العمل : لفحة الأيام
مقدرش احدد لَفْحِة الأيام
لعيون حبيبة على ضلع جوزها اللى انكسر م الغُلب
ودعاوي صادقة تخلى تجاعيد السما ..تفرد
وتقول يارب
وحياة حبيبك النبي…
اجعل خُطاة شَربة حياة لينا
أنا بنت آدم والشقى بينهش ف جلدي الني
ماتسيبش قلبي ف مدعكة مش حِمل ضربة كَفْ
سوق البشر ..بَيَّاع
قلبي يسَاع
لكن مايسعَ الحزن لو دق بابنا ف يوم
يرضيك يارب… عُكَّازنا بَعدك..
يُهجر فؤادي
ويسيب صَبية وشاب زي الورد !
دا مش اعتراض على حكمتك
لكن يارب
الدنيا زحمه ف قلبي من بدري
كانت عيونه تسبح لجلن ينول الرضا
ويقول رضانى الرب بنظرة من عينك
وبحق عشرة عمرها ما تهون
وبحق ود اتفرش على كل طبليه
عشرين سنة وانا بوشِمك ف النِن
علشان أفادي البُعد بعنيا
#سلمى_حكيم
