عبدالله محمد محمد دعدور
اسم الشهره: عبدالله دعدور الفئه: شعر بالعاميه المصريه
اسم الفيس: فارس عبدالله
رقم الواتس: 01023139941 عنوان القصيده: الملف
رفعت عزم التمني
ساعة الوصول للحلم
مصر اللي قالت ياابني
ما تخلي جرحي يلم
دمي اللي سال ع الأرض
بايت مبنشفشي
ليه ياعالم بني صهيون
جرمه مبنشفشي
صهيون اللي قال لا حرب
مقطع عروق أرضي
طب ليه ياعم الغرب
بتحل الحرام عندي
غية الصقر المقاتل
طايرة فوق بحر البقر
شهيانة تضرب بالقنابل
وشظايا اكتر من المطر
غرغرت عينين مدبوح
في حصة التلاتين كفن
ولا عاد رصيد للروح
ياغرب مالك بالوطن
خليت الظلم متعافي
وكمان غذيتوا بالفانتوم
وانا النبوت علي اكتافي
وانا اللي ف أرضكم هحكم
وحياة الجزيرة الخضرة
وكمين السبت الحزين
وراس العش والثغرة
وعملية جبل كاترين
لتشوف في الكنيست ابني
بيسمعله بني صهيون
مخلي العالم مأيدني
اني بجد ست الكون
السكات مش للسكات
الفكرة طعم وتم
يوم ما شفتوا رصيف ايلات
وبيت شيفع وبات يام
استنزفت منكم مئات
ولسه العبور للدم
صيامنا وقت العبور
سلاح مع سلاحنا
شفناه في مد الجسور
واحمد بإيد حنا
أم الولاد واحدة
والنسل نسل عجيب
متربي ع الوحدة
هلال في حضن صليب
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
