قصيدة ..
( لو مخنوق )
لما تحس انك مخنوق
بص لفوق
ارفع ايدك .. كلم سيدك
بالك لو مشغول هيروق
تلقى الفرحة بتسكن شكلك
تلقى الحل لكل مشاكلك
والأحزان تلقاها بتهرب
والأيام تصفى وتضحكلك
روح له بسرعة وفضي حمولك
مين غير ربك قول هيعولك
لو كسروك الناس صدقني
هو وبس هيصلب طولك
لو كان رزق بعيد هيقرب
بس تعالى اياك تتهرب
قربك منه أمان وسعادة
قلبك بالأنوار يتشرب
إدعي يا رب بكل ما فيك
وحده مالوش في الكون ده شريك
قادر لو مخنوق في ثواني
هو وبس اللي ينجيك
خلق الكون ده بحاله بكن
ولا فيش غيره عليك هيحن
ربك مابينساش سبحانه
وبأفضاله عليك هيمن
روح له بكل رجاء وخضوع
إبكي بصدق وكل خشوع
قول له يا رب انا عبد سامحني
وادعي في كل سجود وركوع
قول له يا رب انا عبد سامحني
وادعي في كل سجود وركوع .
