***********
بشعر ف وجودِك جنبي
اني سلطان أيامي
وكلامي بيوصف حبي
لملاك شعري وإلهامي
وتملي بقول لعينيكي
قلبي أهو ملك ايديكي
وانتي اللي معاكي هكمل
مشوار وطريق أحلامي
بشعر وأنا بلمس ايدك
انك من عالم تاني
وحنان الشوق ف وريدك
بينادي ويترجاني
أفضل طول عمري معاكي
وما غيبش ولو لثواني
وهداني الشوق لعيونك
أوصف بالشعر غرامي
بسمع وأنا ماشي معاكي
صوت قلبي اللي بيهواكي
بيقولك فاكرك دايما
ولا عمري ف يوم هناسكي
ده انا عمري ما شفت ياروحي
ف جمالك حد سواكي
وهواكي تملي يزورني
وانا صاحي وف أحلامي
*********************
رضا أبو الغيط
