مش لاقيه حل
الواقعه صعبه المره ديا يارب
ضهري اتكسر..
مابقتش حمل الذنب
مابقتش حمل القهر والضعف اللي صابني
كله ساب الحزن ينهش
ف اللي فاضل مني انا
وجاي يعاتبني
كله سابني…
.
.
كله سابني..
توهت ف الدنيا الغرورة..
توهت مني
ايه بأيدي
بخت مايل؟
دنيا شايلالي ف جمايل؟
خوف وساكن جوا جوفي
رعشة حاضنه الجسم كله
وتلج طالع من كفوفي؟
ايه بأيدي!
.
.
كل مره بقول هقوم
بلقي كوم الحزن فوقي يهدني
كل مره امسك ف خيط
ألقاه سراب…
بتخيل البر اللي نفسي أوصله
ألقاه ف نفس اللحظه يتحول سراب
ايه العمل؟
.
.
كل ما اشعر بالامل
ينغزني قلبي..
يكسر الفرحه ف عيوني
ألقاني ببكى
.
.
روحي سابت جسمي ليه؟
روحي كرهت قلبي ليه؟
مش لاقيه حل
مش لاقيه اي أجابه تشفي كل غل .
.
.
مش لاقيه حل
الواقعه صعبه المره ديا يارب
ضهري اتكسر..
مابقتش حمل الذنب
مابقتش حمل القهر والضعف اللي صابني
كله ساب الحزن ينهش
ف اللي فاضل مني انا
وجاي يعاتبني
كله سابني…
.
.
انا ليه ضعفت
وليه وقفت اراقب الكسر بهدوء
من غير ما افوق
من غير ما ألاقي اجابه
للمليون سؤال
علي اي حال
خلاص نهايتي قربت
مش عاوزة اعيش
مش عاوزة اعافر ف الحياة
وانزف أهات…
ومااخدش حاجه غير… مفيش
مش عاوزة اعيش
.
