مواجع روح
**”””””””””
اه يابحر ياطافح مواجع روح
شايل على كتافك جروح
كل الوجوه متلخبطه
فيها الضمير تاه
مين غيرك يابحر اللي ركب موجه
ومين غيرك يابحر اللي غزل اوجاع
شطك صخر لكن جبان
كان حزين يابحر يتمنى
يعزف لحن موجه
على اوتار عزف حزين
صرخت الاه يابحر بأعلى ما عندها
ولو بكيت على القلب انعصر ع اوجاعها
وقلبى تعب من كتر الاهات
كل الخلايق مستنيه نور فجر
يحضن اواجع السنين
لكنِ
الهوى والبحر طافح مواجع روح
الروح تصرخ
ياليل من العشق صاحى و م الوجع قلقان
واليل حل والأمل. مل والزمان الجاى
نغم يموت ع وجوه. تاه فيها الضمير الحى
ونغم يحلق فوق. كتفه ألف اشاره ضيئ
يا كل احلام الفرسان ماتت فى واديها
انا بغنى بقول موال نغم يلالى
ويينك يا إنسان
الوشوش تاه فيها الضمير
لكن مازال فيه جوايا شيئ
يتمنى صبح يولد فيها نهار
يسمع بيان يصحى كل نغم
بالحب لوليد اتولد
اصرخوا قوموا
اقطفوا امل لوليد نفسه ف نهار
من غير زيف من غير الم
من غير صُرااخ
كأم تسقى حنان وأب يزيل ألم
كان على غزل مواجع روح
يحلم ببهجه إنسان
يمكن اعيش اشوف وشوش
لسه باقيه ع الضمير
لسه بتحارب امواج وتعافر
ما تعرف المستحيل
تفتح شبابيك الهوى لخلايق
تتمايل بتوب نظيف
بتوب عفيف يشد ايد
م عتمت ضمير
يبان نور يبان
لنور فجر بصلاه
بنغم شادى
اصحى يا ضمير
اصحى ياإنسان
الشط غرقان من بحره
طافح مواجع روح
بقلم
ملكه أبو الدهب
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
