هيفيدك ايه ؟
************
هيفيدك ايه تجرح قلبى
وأنا قلبى معاك
وعيونى وانت بعيد عنى
دايما شيفاك
مش عارف ايه اللى جرالك
خلاك بتغير أحوالك
وتدارى عيونك عن قلبى
حُبك وهواك
هيفيدك ايه تبكى عيونى
وتزود دايما ف ظنونى
يا أبو قلب ملاك
د الروح بتروح لما بتبعد
وتقول مش راجع وبتعند
وأنا بترجاك
هيفيدك ايه تجرح قلبى
ودواه وياك
ابعد على كيفك وبراحتك
لو كان البُعد ف مصلحتك
أوكان ده هواك
وان كان على عينى
يا نور عينى
بتقول للناس بكره تجينى
وليلاتى.. بقولك ياحياتى
أنا بستناك
********************
رضا أبو الغيط
