خاص بالمسابقة
شعر عاميه / مجدي سالم من مصر
واتس / فون / 01065705780
*********************************
يا بت يا مرسومه من حبتين خجل
مرسوم الورد على خدودك بلون النيل
بطعم الفاكهة الطازه ف عز الشتا
بتفوتي بين ضلوعي واللحم
تفوح روحك الطاهره جوه البدن
ترسم غناوي للناس المجروحين
ترسم امل
يا روح الروح يا طاهرة ايه العمل
السكه مليانه ناس لسه بتعافر
والبوح جوه الحلق لسه معتبهوش
خايفه تبوح يكون البوح اخر نفس
والنفس حلوه بطعم المر
تفوت ع الكل ترمي السلام مر
مَر م الحلق على غير ريق
عدى على لساني المعوج
مربوط من زمن الشقا بخيط مشدود
خايف يفوت منه الكلام ينشد
يتحط جوه قالب مفيش منه هروب
والدمعه تصبح بلون الدم
والخدود تتلون بلون السما السابعه
والايدين تتشد للخلف
الكل واقف انتباه
مستني لحظة نهاية العرض
الكل يجمع هنا
يقرا الترنيمه
سمع هوووووووووووس
الملكوت حوالين الروح يرفرف
والناس خايفه م الملكوت
سبعبن الف مكتوبين بالاسم
تتوزع عليهم المعونات
والباقي مزنوق في خانة اليك
حبل المشنقه قدام
والعصايه م الخلف
رفع الصوت جريمه في زمن السكات
يا ابرهة المفتون ايه الحل
الفيله نخت ورجعت للخلف
ده المكتوب ع الجبين سطرين
مرسومه حروفهم بخط عريض
متشكله بلون الدم
يا هل ترى احنا العبيد
ولا الوطن مننا مل ؟!!!!!!!
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
